Një 65 vjeçar goditet për vdekje nga një veturë në Han të Elezit

19:17 | 29 Nëntor 2021
Përparim Bublaku

Një person ka humbur jetën pasi është goditur nga një veturë në Han të Elezit.

Lajmin e ka bërë të ditur Kanun Veseli, zëdhënës i Policisë për Rajonin e Ferizajt.

Ai për arbresh.info, tha se rasti ka ndodhur rreth orës 17:40 afër një qendre tregtare.

“Në ora 17:40 në Han të Elezit, afër qendrës tregtare Elkos ka ndodhur një aksident komunikacioni mes një automjeti të udhëtarëve me targa vendore dhe një këmbësori. Si pasojë e këtij aksidenti ka gjetur vdekjen një person rreth 65 vjeçar. Vdekjen e tij e ka konfirmuar Qendra e Mjekësisë Familjare në Han të Elezit. Njësia e Komunikacionit Rrugor është në vendin e ngjarjes dhe po heton këtë rast. Për informata tjera do të njoftoheni më pas”, tha ai./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm